無聊雜碎

前幾日同即將返加拿大定居既我最敬愛中學Miss黎個臨別秋波gathering，佢問返我地3條友其實讀書時有咩志願，唔好以為我係一個壞到透既學生就無志願，我本身就有一個好大唸頭就係想做律師就連當時一個大律師朋友都認為我得只要專心讀書就得！屌呢句簡直廢話中廢話，咁即係話如果我做得成律師諾貝爾和平奬都有得我攞！後來我改變我既唸法做一樣自己有興趣但又唔洗讀咁多書既工作，我左唸右唸終於比我唸到就係室內設計師！個天永遠唔會比你咁順利一定搵野整下你先，仆佢個街會考衰鳩左連讀設計基本門檻都入唔到，反正屋企需要我搵錢養家叠埋心水做野吧啦！ 輾轉左好多個幾年突然有日發現只要肯付出金錢就有機會讀設計課程，呢次係我最後機會我唔理任何阻礙堅持以高齡入讀，我知道我要比其他岩岩畢業十幾歲既同學付出更多努力因為無論邊一方面我已經放底左好耐，好多朋友見我為一幅畫或者一個project用咁多時間去畫去做睇撚死我頂唔到一年，其實我好享受整個過程我唸唔到放棄既理由。 原以為讀一年既室內設計課程就攪掂，原來頭一年講得好聽係誘發我地既藝術修為，講得唔好聽就係dum鳩我地波鐘！ 除左室內設計既野要學之外，時裝、平面設計、畫畫、中英書法、電腦、英文堂、物料運用、理論通通都要學。 先黎個頭一年學過部份作品回顧，等自己老左睇返都知自己攪過物！ 素描 A3 size 經過幾次批鬥大會亞sir話鳩完我之後，我的起心肝偷偷地用間尺度比例畫返幅稍為令佢滿意既素描。如果比佢知出古惑頭都有得爆！ 第一次接觸Photoshop原來咁過癮，所以上電腦特別比心機，呢幅雜誌封面設計咪睇佢簡簡單單其實用左好多技巧。 Portrait A4 size Color Pencil 畫人樣簡直係我死穴，好彩有個畫畫好靚既同學教我出古惑將要畫既圖墊底畫紙係面係有光線射到既玻璃窗上畫返個輪廓出黎，攪點左個輪廓上色已經唔成問題，亞sir話齋最緊要支顏色筆夠尖顏色用得夠準！ 只要留神就會發現我用淡黃色印輪廓！ Portrait A3 size Color Pencil 以為過左一次關點知又整多劑呢鑊仲要係A3咁大，印輪廓個招已經唔work今次只可出動間尺度比例去畫，已經唔記得畫左幾多稿先交到呢幅最終作品！ 水彩蠟畫 A4 size 我都係第一次用白蠟蠋係畫紙上特定地方畫下，水彩就會係蠟面上滑過不被上色。唔洗畫人樣既畫成個人都輕鬆晒！ 乾粉彩 A4 siz...

夜晚望天絕對係我UFO撚既嗜好，端午睇完《侏羅紀世界之等埋發叔齊齊整整先鍊過》返屋企一落車望天就見到雙星伴月，肉眼睇又光又清晰可惜i窿幫唔到手影到朦撚查查！嘥晒！

已經有成7年無去過長洲，難得癲雞仔吹雞入長洲宿營老虎蟹都衝住入，冒住比老細殺頭都要早閃去玩！ 7點埋洲太陽落山所以無咁熱，同一樣係長洲玩既細佬影張大合照後就嗱嗱聲去渡假屋check in。7年前同班朋友去宿營間屋又嗅又污糟，今次我地book呢間B & B又企理又乾淨絕對無令我地失望！拋低細軟就隆隆聲殺出碼頭展開搵食之旅，經過一致投票決定食碼頭附近一間泰印菜Morocco's開餐！意想不到呢間野真係掂由其是個冬陰功，由於忙住食野無咩點影相。 原本點泰式青咖哩不過侍應話我地知辣到飛起建議我地食印度咖哩雞，果然無介紹錯好很正！ 扎肉沙律係我地點既野最辣既一樣，基本上要食晒係mission impossible，最終老友發現扎肉點咖哩汁無咁辣，就係咁我地淨係食晒扎肉同青瓜。 食完餐飯4條友就漫步長洲策劃一下消夜食啲乜，老友見到檔生菜魚肉lam晒咀堅持要整返碗返屋食，而我又想食兩溝可惜佢個煩撚咀又唔食兩溝，終極各一碗返屋溝4人分！係屋攤屍攤到十二點又片出碼頭搵食，消夜檔係呢個時候百花齊放，好耐未見過呢個場口。 同老友首先比呢個串燒檔吸引，一人一條腸！可惜條腸唔太好食起硬邊！ 呢檔炸野食認真無敵，生雞脾雞翼攤晒係到即係話所野即場生炸，而家無乜幾可有生炸脾翼食。 煎釀三寶$10 8件絕對超值至於味道當然粉既比例多過魚肉啦。 企正係檔口睇姐姐生炸脾翼，我既汗多過炸野既姐姐，真心熱到喊！ 第二朝十二點半check out完又開波繼續搵食，第一站故鄉俱樂部紅豆餅，由於有老友已經食過所以買一件3人共享。 已經唔記得個皮係咩味道同質感，淨係記得紅豆好香甜味適中，如果唔係要留肚食第二啲野我絕對想覆卓整多件。 跟住落黎就食洲啤工房巨薯棒，由自己調味其實有種花多眼亂感覺，因為唔知邊種味好同埋要落幾多份量。基本上我地沿路邊行邊食路邊婆婆雞屎滕、新鮮菠蘿冰、甘永泰大大粒魚蛋、白魚蛋、蝦丸、墨魚丸....雖然所有野都係買少份量4人分但係已經有飽感。 天氣熱得太淒涼身為冷氣狗一份子我條底褲濕完又乾乾完又濕，總之全身都榨得出汗！我地決定搵間甜品店坐低歎下冷氣食返啲凍野降一降溫，話雖我咁怕熱但係我又唔怕行喎！左行右行見到間天然甜品竟然價錢咁公道，我地梗係殺入去探路，我地一人一碗豆腐花拼乜乜乜 再另叫榴連布甸，絕無令我地失望！ 我用左殺手鐧「有今生無來世」說服到煩撚咀老友食芒果糯米糍，佢竟然咬...

呢輪見客畫圖單循環忙到嘔白泡精神病發自言自語就必然架啦，不過我勢估唔到我老細比我更癲！ 事緣有日我好撚專心唸緊野既時候突然聽到老細房傳黎奇怪都不能既說話，雖然我專心緊但好奇心話我知我需要分心一下，我直踩入老細房問佢up物9究竟我有無聽錯，唔問由自可一問笑到我90度彎腰黎個大敬禮！其實旁人真係好難想像一個昂藏7呎打扮尚算型格既男人會做埋啲咁低能既野（其實佢係keep住日日做時時做）。 話說回來究撚竟佢講左咩呢.... 佢話做野做到爆炸係呢個時候個時候銀行又打黎問借唔借錢，佢咪好誠懇好禮貌咁回敬人 .... （機械人mode） 呢個係電話錄音請係do一聲之後留底口訊，Do 自己扮電話錄音條橋雖然舊到喊但係發生係唔同人身上效果就好唔同，由其是係老細堅係好笑到震！