無聊雜碎

近來去戲院睇戲總會遇到自私撚一味睇住個mon，唔係睇住銀幕係睇住自己電話個mon！仆你個街入戲院唔撚係戲係到睇電話咁你又何必入場呀，套戲120分鐘有110分鐘你都係望住個mon，我地坐後面既全程就比你個電話強光射到隻眼幾乎黃斑病變。我坐係自私撚斜後三行但我可以好肯定佢係睇緊whatsapp既name list，因為佢個部係超大mon三叔電話，大佬呀有msg自然有通知，你死命望住都唔會望到有msg架，或者係我孤陋寡聞啦可能係name list到碌來碌去會碌出msg來，新function既野我識條鐵咩！ 就當我低智能我真心祈求下次睇戲可以遠離高智能碌mon皇！

老友到我公司攞野兼吹兩咀，講起而家1號風球佢就言之鑿鑿誓神劈願咁話， 老友：聽日朝早一定3號，下晝必定8號！ 我：係邊到聽返黎？ 老友：無喎！不過單憑我觀風咁多年經驗聽日一定係8號架嗱！ 我：觀風？你會考有無考Geography?合唔合格？ 老友：er.....有考不過攞U 我心唸會考攞U夠撚膽學人講觀風！？條友好似睇穿我咁即時補多句， 老友：你睇下天文台都話個風存在好多變數咁即係好大機會8號啦！ 佢講到咁我即管信一信佢不過亦不忘大佢老味三千萬！ 我：如果聽日唔日掛8號我肯肯定搣甩你隻gap! 老友：(震撚晒口)係架啦係8號架啦，嗱我觀到今晚12:00前，如果我唔通知你有變即係維持8號。 我：好！不過你小心gapgap不保！ 準時收工又唔洗買餸返到屋企個天仲有顏色睇下。暴風雨前夕天色特別靚!

高高興興完成第一年，開始步入第二，三年之路係過程中好開心識到一班好得意好攪笑既朋友，由於我年紀比佢地大所以佢地全部人都統稱我為大家姐/家姐，起初都對於呢個鳩名都幾反感但係慢慢聽聽下就習慣左仲覺得幾親切，無撚端端多左一班細佬妹！ 呢2年之路因為發生左D事差D令到我要中途退學但我堅決咬緊牙關捱過去，慶幸當初既堅持先令到而家我可以做我夢想既工作！ 以上2張圖係點心人，原本係為一間老人院幅牆裝飾而創作，再結合同組另一同學畫既山水畫成為傳統與創新，好可惜係初步階段已經胎死腹中...冚家祥亞sir連我本畫簿都整唔見，好彩我一早scan晒入電腦。 結合圖 我敢發誓我呢世都唔想再處理水晶膠呢種物料，又要用油泥起模再用石膏倒模，呢個step麻煩都算最攞命係水晶膠又臭又刺鼻聞完一整日都食唔落野兼反胃，最終成品仲要失敗埋，睇下似乜！ 細佬R多鳩事話見我個石膏模仲好完整就再幫我倒水晶膠，今次終於成功不過我就要為呢舊野日磨夜磨由修邊到磨沙到成品令笠笠磨到手指都出血！ 欣賞完藝術品又要畫幅二次創作，我嗱嗱淋畫返幅吶喊之無人同米奇去海洋公園玩！ 呢個group project題目係環保要用紙做一張櫈，我發覺同得我做組員既必要條件係要夠癲同埋肯付出時間，因為我成日唸埋D都唔知做唔做到既野又或者要用好多時間做既野！咪睇呢張Rebirth Stool簡簡單單都不知用左幾多時間卷報紙同埋自製再造紙包住張櫈外圍，咪睇櫈仔細細2個人半個patpat 絕對坐得到！ 整再造紙前先要整木架鋪網，多得細佬妹多個個幫下手整再造紙，如果唔係就肯肯定係夏天整到冬天都未完。last day我同組員第一次係學校工場整到半夜三點幾先拖住虛脫身返屋企。 要搵一件物件放大1000%黎仿製，唸住簡簡搵支剃刀整實無錯啦咁唸咪又錯鳩晒囉，我無考慮到刀背有好多details位...咁大把野又要磨得圓D位只有高密度發泡膠幫到手，接駁位要抆灰再磨靚先可以上色，雖然有九萬幾重功夫但絕對樂在其中。 做得多自己個科野多有時都想design一下其他野，咁岩IDN有賀佢地15週年設計比賽其實呢份都係我地既功課，呢次好快就唸到2個design分別溫度計同電影拍板，design concept係咩就下刪一千字啦，2個design都有刊登係佢地雜誌上獎就無啦過足晒癮已經好夠！ 由於我讀個課並唔係單純interior design，真正既名係3D Spatia...