我的志願下集

高高興興完成第一年，開始步入第二，三年之路係過程中好開心識到一班好得意好攪笑既朋友，由於我年紀比佢地大所以佢地全部人都統稱我為大家姐/家姐，起初都對於呢個鳩名都幾反感但係慢慢聽聽下就習慣左仲覺得幾親切，無撚端端多左一班細佬妹！

呢2年之路因為發生左D事差D令到我要中途退學但我堅決咬緊牙關捱過去，慶幸當初既堅持先令到而家我可以做我夢想既工作！

以上2張圖係點心人，原本係為一間老人院幅牆裝飾而創作，再結合同組另一同學畫既山水畫成為傳統與創新，好可惜係初步階段已經胎死腹中...冚家祥亞sir連我本畫簿都整唔見，好彩我一早scan晒入電腦。

結合圖

我敢發誓我呢世都唔想再處理水晶膠呢種物料，又要用油泥起模再用石膏倒模，呢個step麻煩都算最攞命係水晶膠又臭又刺鼻聞完一整日都食唔落野兼反胃，最終成品仲要失敗埋，睇下似乜！

細佬R多鳩事話見我個石膏模仲好完整就再幫我倒水晶膠，今次終於成功不過我就要為呢舊野日磨夜磨由修邊到磨沙到成品令笠笠磨到手指都出血！

欣賞完藝術品又要畫幅二次創作，我嗱嗱淋畫返幅吶喊之無人同米奇去海洋公園玩！

呢個group project題目係環保要用紙做一張櫈，我發覺同得我做組員既必要條件係要夠癲同埋肯付出時間，因為我成日唸埋D都唔知做唔做到既野又或者要用好多時間做既野！咪睇呢張Rebirth Stool簡簡單單都不知用左幾多時間卷報紙同埋自製再造紙包住張櫈外圍，咪睇櫈仔細細2個人半個patpat 絕對坐得到！

整再造紙前先要整木架鋪網，多得細佬妹多個個幫下手整再造紙，如果唔係就肯肯定係夏天整到冬天都未完。last day我同組員第一次係學校工場整到半夜三點幾先拖住虛脫身返屋企。

要搵一件物件放大1000%黎仿製，唸住簡簡搵支剃刀整實無錯啦咁唸咪又錯鳩晒囉，我無考慮到刀背有好多details位...咁大把野又要磨得圓D位只有高密度發泡膠幫到手，接駁位要抆灰再磨靚先可以上色，雖然有九萬幾重功夫但絕對樂在其中。

做得多自己個科野多有時都想design一下其他野，咁岩IDN有賀佢地15週年設計比賽其實呢份都係我地既功課，呢次好快就唸到2個design分別溫度計同電影拍板，design concept係咩就下刪一千字啦，2個design都有刊登係佢地雜誌上獎就無啦過足晒癮已經好夠！

由於我讀個課並唔係單純interior design，真正既名係3D Spatial design所以凡係關於係空間內既野都要學，物料就更加。要用飛機木設計後花園，雖然設計上一D都唔盡善但係砌呢個模型時就好有玩Lego 感覺，介紹返一塊樹葉一粒石仔都係由飛機木𠝹出黎。

玩完飛機木就到玩鐵線，用不同粗幼鐵線扭棵樹，扭完棵大樹之後隻手已經痛到想死往後個5，6棵我開始典當扭椰樹、蕉樹總言之就無咩葉既樹。

嗱嗱嗱呢隻野係咩黎千祈咪問我因為我係極度趕（得幾粒鐘時間）既情況下求鳩其整出黎既異形，由於唔夠紙黏土上完色之後發現隻野個身起角唯有用之前係布行攞既人造皮板痴鬼住個身，好可惜皮包唔住角！成件野似足小學生勞作！

第一次同幾個同我一樣咁癲既人做裝置藝術，我地呢個組合無敵到不得了，由構思到完成暢順到不得了，當然我地呢個Planet又係做到最後一分鐘先完工啦！

學識玩燙金就一發不可收拾比起絲印更好玩，咁岩有巡遊活動除左組員外印返件比細佬一齊玩下。

臨畢業前又玩畫畫仲要老連咁大差唔多2尺x3尺，反正要畫人像梗係畫自己BB時起碼有個紀念價值，不過最終都係爛尾收場幅畫到而家都未畫完，仲好可憐咁比人塞左入床下底！

趕畢業project時又要用飛機木整個handle，係呢個峰煙四起時間仲邊到有人有時間攪呢壇野，留意返飛機木係好薄要做到立體效果即係要用好多塊重疊再磨返個形狀，最終全部人都係完晒成個畢業project先交功課。

既然同癲人sss係上一個project合作得咁流暢，final project無理由唔一齊攪呀！仲記得學校初頭滾鳩我地有autocad學，最終咪又係得A.I同P.S學，屌！

我同埋幾個同學又要科幾千出去學autocad過住日夜返學日子，幾個初哥就用岩岩學識既功力去完成呢個酒店project。

Final project除左要畫3D圖、施工圖外仲要整埋模型，絕對唔馬虎！

終於係畢業展前完成晒所有項目，滿足感大滿！

我的低能朋友包括我自己！

讀緊既時候就想快D畢業當畢業黎到既時候就依依不捨，人生往往就有好多無奈！