話咁快又黎到旅程後半部份要玩要食要爭取時間啦喂!
Day 4
黎左幾日終於到海鮮日,布吉老友話食海鮮最好日頭食正所謂早食早享受,越早食海鮮越新鮮越多款式揀.布吉老友帶我地黎到Rawai食海鮮呢條海鮮街似香港流浮山,通道將海鮮檔同食店分為左右兩邊亦有手信檔口.
係香港買蝦通知都會買生猛扎扎跳既蝦但呢到普遍係大大隻已經死左既蝦價錢亦唔算平, 呢餐海鮮埋單好似係港幣二千幾咁當然相當香港咁梗係平啦!
老友見到隻鱟(馬蹄蟹)問我試唔試,隻野樣衰衰硬挖挖會係點食既呢?為左解開呢個迷一於買隻試試.
係買緊海鮮期間老友叫我行入d有警車黎緊,當時落緊雨架車同我地又有距離我只係望左一眼,但當架車越黎越接近既時候我見到架車落貨,警車落貨?咩玩法呀?再認真望一望車頂仆你個街呀原來車頂個個係紅藍膠箱唔撚係警燈呀!知道左真相後真係笑到碌地!
另一邊就係食店不過我地唔係呢間食.
我地就係呢間食海鮮,唔知Suwaghich係咪店名呢.
炒聖子,第一道上既菜太肚餓既關係覺得炒得幾好.
白灼花螺, 白灼最穩陣係唔會錯得去邊.
天啊!咩事攪到隻瀨尿蝦咁既款呀! 賣相唔吸引連味道都唔掂.
呢碟扇貝咩玩法呢?除左個殼睇落似有燒過既痕跡外粒肉咩事白到好似刺生咁,係咪生食架?最最最攞命係面頭個片芝士完全未溶,味道係點唔洗講同佢賣相一樣不論不類!
九層塔炒沙白都係穩陣之作.
睇到隻蟹個樣咁清泉就知唔會領野.
好嗱好嗱隻鱟終於登場!我望左好耐唔知邊部份係屬隻鱟係可以食......原來一粒粒似蟹子既野就係主要食既野,味道其實無咩特別其他配菜味道仲濃過佢.
我唔鍾意食咁大隻蝦肉太過啖啖肉啦,反而大蝦頭先係我至愛.邊個唔食蝦頭交晒比我處埋!我通殺!!!
泰式檸檬蒸魚係邊到食味道都好食.
布吉老友話佢淨係係間野飲過新鮮椰青冰暫時未見過第二間有,可能椰青冰就係佢地最大賣點.
公平公開公正全天候開放式比人睇住椰青冰製作過程,開始挖椰青肉....
登登!涼透心新鮮椰青冰,我唔飲椰青都比佢不凡既外表吸引咀左一啖.
黎到泰國咁梗係要食返餐泰菜,鏡頭一轉黎到Phuket Town舊城區 Natural Restaurant, 外型同店名一樣好natural.呢到既野食真係正到暈侍應服務就無物架啦!叫侍應攞野有機會一世都唔黎唔夠長命唔好叫佢地攞野.價錢亦唔算平我地呢餐就千幾蚊港幣埋單.
由於我地去到時唔係太多客人可以上上層影相都唔怕阻到人.
好有風格既餐廳我地坐既位置隔離有樹有假雀感覺唔錯好relax!其實我地成日嘈嘈閉比呢個比較獨立空間我地都係一件好事.
炸蝦餅外脆內嫰.
炒通菜
呢3杯紅綠燈我3杯都強姦過,係呀我地呢個團飲野同食野無分你我好大愛架邊個杯野好飲就自動波隊個嘴埋去飲架啦.我就覺得我自己紅色個杯係最好飲係由幾款生果打汁.
我好鍾意食pad thai一打開餐牌就比我刁到,呢碟泰式炒貴刁正宗係搶手貨一上檯無耐就見底.
呢碟咖哩雞個咖哩汁真係無敵好味到不得了,淨係得幾片包唔夠專重碟咖哩喎......包上面個碗青瓜仔同蒜配菜賣相唔精靈原本無人食我咪即管試下,喂又幾好食喎!
布吉老友提議我同另一老友向咖哩汁致敬叫一個糯米飯黎撈汁,嘩嘩嘩!DLLM好食到爆呀絕配呀LLM!
生蝦刺身又點少得,新鮮爽口!
沙爹串燒沙嗲汁濃郁.
我唔知點為知係好飲既冬陰功,只要係酸度適中唔太辣我已經覺得好飲.
呢餅野我係有食過但已經唔記得佢係咩黎.
係香港食過呢個造型既泰式蜆肉再放上多士食好食到不得了!見到呢個造型既青口+蜆肉又點可以錯過.
幾日都想食芒果糯米飯唔係芒果樣衰就係想食既時候太飽,終於個胃有位食啦!
下一篇繼續再講飲講食........TO BE CONTINUED
留言
張貼留言