係布吉想食到又平又正既野食真係無咩難度,當然亦可揀貴價野食總之就豐儉由人務必要準備好既就係個胃!
之前一篇已經提過我地係夜機到布吉,布吉老友好貼心已經準備好食物等我一班餓鬼投胎既嘩鬼一到埗就有野食.
Day 1
有杯麵,蛋糕仔,零食.....一晚半晚咩都夠啦! 無錯仲有2支Mistine eyeliner好明顯唔係攞黎食架啦,係荒死無貨叫老友買定先.
老友話試過呢款Vita豆奶味道唔錯有d似維他奶,咁唔試點得呀!一於半打原味半打朱古力味, 確實味道唔錯亦無唸到咁搶手2日已經飲晒.
我特別要求老友買2支Hoegarrden Rosee 750ml 係香港我無見過呢個size所以特別想試, 外型都樽塞同香檳一樣所以飲起上黎總覺得味道同平時支裝唔同,唔好考究咁多我就一於當香檳咁隊!
Day 2
司機車我地返villa時專登叫佢dup我地去7-11揀自己想食既野,第一時間就撲去雪櫃搵卡邦尼味飛碟好可惜缺貨,咁就退而求其次揀左肉鬆味,布吉老友認真唔話得抬埋屋企部飛碟機黎等我地可以品嚐到呢個飛碟真正味道.
黎到布吉唔食海南雞飯成何體統呀,今次就食位於芭東既Briley 建議門口有位就坐門口,坐入面雖然有風扇但係都熱到叫!
每款普通size既餐都只係港幣十幾蚊,有飯有味精湯仲食得飽飽!
太吸引啦食左幾啖先記得影相,食雞我最唔鍾意食雞胸但泰國海南雞例外因為連雞胸都好輪滑,食海南雞個醬汁都好緊要雖然係辣但就辣得好惹味撈飯食無得頂!仲有唔好睇少伴碟個2片青瓜食完覺得成個人fresh晒!
我係一名湯怪咩鬼野湯我都隊,但係間舖真係好鬼熱就算碗湯味吉洋一飲完大叫好好味呀恕老納都無能為力!
上一次見識過d夜市8點幾就收皮,領野過後有野食今次我地就早d黎踩場!布吉老友帶我地黎到呢個weekend night market由於係鐵皮頂入面唔洗講都知熱到底褲都濕啦.
係夜市入口附近有架好吸睛既volkswagen麵包車,表面睇佢係一架車當佢一打開有燈光效果既車頂同側邊既窗即刻變身為流動酒吧.
一入到夜市就比一個個波好似飯團既物體吸引住,我一心唸住係軟淋淋既飯團點知亞姐將個波放入個碗再跟手鋤爛佢再加青瓜絲洋蔥落去,我個心沉到落大海究竟呢個波係咩黎架?我只可以講呢碗野太有咬口食左2,3啖我就好無義氣交左比老友.
燒魚檔賣相咁吸引秋刀魚呀唔該!
我唔習慣係街食粟米食到痴晒牙好踢腳,老友買左碌食不過食左幾啖就變左棄嬰佢地話唔甜喎.
呢盤炸物企係到已經聞到好香味道亦都唔錯,如果唔係堅持每樣只會食一次唔encore 炸物絕對可以覆啅,
一口鵪鶉蛋仔唔怕膽固醇高一個人食晒一碟都唔成問題,
呢袋入面一卷卷既野我唔知叫咩名堂,係好食既係脆既係有椰味既.
望住呢個爐我當堂覺得自己去左火焰山!燒雞檔除左雞翼梗係要叫返隻雞全體,唔記得係咩味淨係記得好好味!
燒呀雞呀翼我自細鍾意食....除左我其實成班人都好鍾意食.
如果要揀夜市龍虎榜"排骨麵"必定係No.1, 呢款麵似上海麵又似烏冬有少少煙un排骨淋滑湯底濃郁,我地係2個人share 1碗但係大家都係爭麵食就可想而知係幾咁掂!
炸波波我唔知係咩因為比排骨麵風頭蓋過,食左都唔記得係咩味.
究竟我有無食過串燒呢?應該無除非有!
班友仔梗係睇得多炳萬哥呢到要試試食蟲.....
一見到Roti或者Crepe我地就唔理3721整返份香蕉+nutella 後來發現加埋朱古力醬更好味,因為Roti係搓粉所以比較油.
食完個夜市就全體浩浩蕩蕩去揼爆骨,由於我地有幾個只按腳所以好快攪掂就殺去按摩店對面陀地麵檔象返碗陀地米.
Day 2
係人都知我係大懶堂無老公係身邊想厄煮厄食都唔係咁簡單,好彩老友中有位頂級gentleman係到,佢一聽到我呻到樹葉落話想食早餐就即刻整返份早餐比我歎^^
連隨加送偽奄列,奄列既外型但零餡料.
出海既時候船家一開船就開始拖釣釣到2條吞拿魚午餐有刺身食,我一向唔食魚刺身不過見新鮮釣隨量食2片咁多啦!
船上午餐份量足夠我地8個人份量味道仲唔差由其是冬陰功.
晚餐無刻意搵地方食係Jungceylon求其搵間像樣既西餐廳就撲入去食,呢間Urban Food我地叫樣樣野都好食沙律吧任添食我同老友係紫洋蔥控我地夾埋食左2,3碗因為好鬼甜,唯獨呢串燒4兄弟除左用黎影相厄下like之外佢係缺乏真正用途,大大塊肉又鞋又乾又漏總之就唔好食!
下一篇繼續講飲講食........TO BE CONTINUED
留言
張貼留言