由於呢日去左攀牙玩飛越叢林所以lunch食團餐不影也擺!更何況得15分鐘時間食連食我都唔夠時間.
Day 5
已經唔記得食左幾多份crepe,不過一棚人食一份每人食2,3舊咁都唔算過份既.
最後一擊海鮮餐黎返位於芭東Banzaan市場, 樓下係街市上面係food court 加工海鮮, 夜晚街市出面就係夜市.布吉老友話係街市食抵過係出面食,呢餐海鮮連埋加工費都係千幾蚊港幣.
留意相入面插住一隻隻黃色大海螺下面會有介紹....
我地鐘意食既海鮮來來去去都係個幾款所以同第一餐差唔多.
係2樓food court就可以望到樓下街市情況.
原本打算揀返上次個個檔口加工海鮮可惜已經執左,揀檔口慘過揀老公揀錯老公最多暗抌揀錯檔口會比人圍屌!最後大家決定揀"08泰國美食海鮮"有野就齊齊領!係呢到食野檔口煮好之後會放係出餐位佢會向你揮手或者鳩叫示意你過去攞,所以揀檯坐要坐得近檔口.
碟扇貝上面既野會唔會熱鬧得濟呀,堆汁唔係出眾食完舊扇貝堆汁仲係返到.
炒菜伴黑椒汁奇奇怪怪既配搭但又出奇地好食喎!
再黎九層塔炒沙白.
又係呢個汁!蝦係吸收唔到呢個汁,不過又好彩喎可以食到蝦既鮮味.
咩料先?又薑又九層塔咁白灼會唔會好d?
瀨尿蝦成隻前臂咁大隻!!!雖然蒜蓉同蝦炸過左火少少但味道總算對版!
我敢講菠蘿炒飯係最最最最好味爭d連個菠蘿都食埋!
魷魚煮得有d過火.
隻大海螺係老友犧牲色相比街市泰姐抽水抽到底得返黎,可惜佢係白白犧牲呢碟炒螺片un到仆街電鋸都鋸唔入....生食可能仲精彩.
檸檬蒸魚又登場味道確係掂!
上次黎布吉食過The Pizza Company既芝心腸pizza好食到不得了,老友想重拾情懷最後一晚pizza出場啦!
芝心腸pizza即係pizza條包邊係腸仔食落口感好豐富.
最後一晚大家都想食最懷念既野,街邊檔既粉又平又好食!
布吉老友bartender 都撈埋whisky+梳打+紅牛=好飲到醉左都唔覺! 酒又點可能就咁飲梗係要邊玩邊飲先過癮.
Day 6
都係個句歡樂時光過得特別快又係時候講byebye!由villa去機場會途經Tesco 入面food court野食都ok盡最後努力食埋呢個旅程最後一次海南雞飯.
望住個餐牌真係笑到噴飯, clear water 清澈的水?睇佢張相湯有顏色喎,會唔會係想講清湯咁呢?咁清湯又會唔會clear soup會好d呢?
滷水什錦好入味
food court海南雞一樣咁滑咁好食!片青瓜又向我作出愛的呼喚叫我食左佢.
由於我碟海南雞飯係加大版我忙於處埋碟飯,所以老友呢2碗野係無試過.
飲品選揀唔多一般咖啡,朱古力都好較好晒係部入面斟出黎.
下一篇唔係講玩笑講玩呀喂........TO BE CONTINUED
留言
張貼留言