大雞唔食細米布吉之旅 搭住買篇
小學雞春季旅行又出發啦喂!無錯係春季其實已經係半年前既事,一來懶二來忙不過臨近年尾總覺得要為件盛事記錄一下!今年旅行新加左3件新力軍希望一年比一年多人一齊玩啦!一行7人出發尋找他鄉的老友.
照舊搭呢班Airasia機去布吉,來回$1,000有找抵到嘔呀!夜機又有咩好驚頂多咪villa蝕左1日為返條數都係抵.
呢架車就係我地book既車,5日都只係10,000 bht.
我地間villa位於Chalong 係airbnb 搵villa時咁岩比我謀到呢間5晚連埋airbnb手續費都係$9,700 平均每人$200/晚,入左villa大閘就係泊車同乒乓波檯位.
客廳有足球機玩....其實我係唔知呢部野真名叫咩...hahahahaaa
行到入客廳最深深處有波檯.好明顯呢到無我既事啦,攪破壞我就叻!
波檯對面組紅色櫃上面把東洋刀並唔係講玩笑,屋主將把刀開左封.
呢個角度差唔多係客廳全景圖,整間villa好多紅色同深木色元素充滿泰式風情.
一大班人Open kitchen就最正可以一邊煮野食一邊傾計
我媽成日話我夜晚唔願訓我唔係唔願訓只係夜d訓咁姐, 不過我遇到2個真正既勁敵係"天光先肯訓"所以每日我地都係整裝待發咁等待2位大少起身!
5間房就係行出落地玻璃門2邊, 如果落雨係會淋到少少雨...無錯呢個trip去左6日係落左5日雨,灰過灰燼!
間間房都係雙人床,2個男人一齊訓係會有d老尷既....淋浴間都係全開放式所以我成日偷昅老友沖涼...hehehe我認我咸濕
泳池比起第一次住布吉villa細仲衰到泳池燈壞鳩左,夜晚玩既時候無咁過癮.
5月份去布吉最唔好就係成鬼日落雨*--*--**--*
芭東Jungceylon入面有間露天舖我地改左呢間叫"真心抵"因為真係抵到喊好多貨品都係100bht.
我亞媽指定要既野,前面個2 pack野就係係"真心抵"到買100bht 1 pack 計返都係$23, 我媽話要黎送比朋友喎....我見過其他手信舖係唔止呢個價錢.
至於我媽另一至愛Naraya我唔知佢要買幾多個先肯收手,我就最憎有蝴蝶結既野不過為左滿足佢都要買架啦, 上年芭東有個商場有間好大好多款既Naraya專門店點知今年再去既時候成個商場變左廢墟,其實big C都有得賣可惜個d款肉酸到喊...正當放棄之際有老友話要去Central幫太座買野,就係Central我打算去廁所巡視下既時候就見到呢間Naraya舖仲要係我媽指定款式,係呢個時候唔係仲要唸呀麻display都要啦大嫂!
老友試過椰子油好好用所以我地全部人都買返2,3支送禮或自用.
仲有一樣野係比人表姐發現我係布吉時托我買既就係johnson baby anti mosquito 108bht, 原來呢隻野係布吉幾個大商場都缺貨搵左幾多地方先買夠表姐要既數量,咁我梗係唔蝕買2支試下果然茶完唔係好油而且有johnson baby爽身粉既香味重點係茶左既地方真係無蚊咬聽表姐講仲係防蠓.
無論咩環境都好去big C係必須的!一來買手信二來點都要買d野返villa咬下既.我地都算買得好有節制一個handcarry既gap full左就係停手既時候.
雖然我唔係待別鍾意食零食,但係左上角個pack蝦條我好鍾意食食味道似卡樂B蝦條味1 pack 100bht有12包,口痕食1包無手尾跟唔怕太大包食唔食晒.
其實我買手信比人重點放係唔阻gap位所以款式比較單一,呢款亞太嘜頭魷魚就係我至愛辣度適中, 我個人認為好味所以成為我送比人手信排行榜第一位.
我亞媽又指定要一款椰子味花生糖佢話食過好正但係佢相都無張比我參考我連個款係點都唔知!問布吉老友話無食過唔知咩黎,咁樣樣又點買呢!
那那那...講得無錯架你試下夠薑唔搵就自然會出現!我竟然係big C一條廣寬通道位側邊唔多人蒲既貨架到見到我認為只會係神話中出現 椰.子.味.花.生.糖! 就係相入面左下角個2包, 我媽講到咁好食唔即買即食都對唔住自己啦!
喂!老母呢劑果然非虛喎!粒野有濃濃椰香比起平時齋食椰子糖熱鬧好多喎因為有花生粒所以有咬口.
老友收到太座msg要求要去Central買Hello Kitty廚具,全個銀河系都知我憎鬼死呢隻無口齒貓, 其他人就買得高高興興因為除左Hello Kitty好似仲有Melody, Twins Star.....
好多花款
老友每人送左個袋比我地好明顯湖水藍色係最受歡迎.
臨別秋波我地各自企係房門影返張全景圖.
下一篇講飲講食........TO BE CONTINUED
照舊搭呢班Airasia機去布吉,來回$1,000有找抵到嘔呀!夜機又有咩好驚頂多咪villa蝕左1日為返條數都係抵.
呢架車就係我地book既車,5日都只係10,000 bht.
我地間villa位於Chalong 係airbnb 搵villa時咁岩比我謀到呢間5晚連埋airbnb手續費都係$9,700 平均每人$200/晚,入左villa大閘就係泊車同乒乓波檯位.
客廳有足球機玩....其實我係唔知呢部野真名叫咩...hahahahaaa
行到入客廳最深深處有波檯.好明顯呢到無我既事啦,攪破壞我就叻!
波檯對面組紅色櫃上面把東洋刀並唔係講玩笑,屋主將把刀開左封.
呢個角度差唔多係客廳全景圖,整間villa好多紅色同深木色元素充滿泰式風情.
一大班人Open kitchen就最正可以一邊煮野食一邊傾計
我媽成日話我夜晚唔願訓我唔係唔願訓只係夜d訓咁姐, 不過我遇到2個真正既勁敵係"天光先肯訓"所以每日我地都係整裝待發咁等待2位大少起身!
5間房就係行出落地玻璃門2邊, 如果落雨係會淋到少少雨...無錯呢個trip去左6日係落左5日雨,灰過灰燼!
間間房都係雙人床,2個男人一齊訓係會有d老尷既....淋浴間都係全開放式所以我成日偷昅老友沖涼...hehehe我認我咸濕
泳池比起第一次住布吉villa細仲衰到泳池燈壞鳩左,夜晚玩既時候無咁過癮.
5月份去布吉最唔好就係成鬼日落雨*--*--**--*
芭東Jungceylon入面有間露天舖我地改左呢間叫"真心抵"因為真係抵到喊好多貨品都係100bht.
我亞媽指定要既野,前面個2 pack野就係係"真心抵"到買100bht 1 pack 計返都係$23, 我媽話要黎送比朋友喎....我見過其他手信舖係唔止呢個價錢.
至於我媽另一至愛Naraya我唔知佢要買幾多個先肯收手,我就最憎有蝴蝶結既野不過為左滿足佢都要買架啦, 上年芭東有個商場有間好大好多款既Naraya專門店點知今年再去既時候成個商場變左廢墟,其實big C都有得賣可惜個d款肉酸到喊...正當放棄之際有老友話要去Central幫太座買野,就係Central我打算去廁所巡視下既時候就見到呢間Naraya舖仲要係我媽指定款式,係呢個時候唔係仲要唸呀麻display都要啦大嫂!
老友試過椰子油好好用所以我地全部人都買返2,3支送禮或自用.
仲有一樣野係比人表姐發現我係布吉時托我買既就係johnson baby anti mosquito 108bht, 原來呢隻野係布吉幾個大商場都缺貨搵左幾多地方先買夠表姐要既數量,咁我梗係唔蝕買2支試下果然茶完唔係好油而且有johnson baby爽身粉既香味重點係茶左既地方真係無蚊咬聽表姐講仲係防蠓.
無論咩環境都好去big C係必須的!一來買手信二來點都要買d野返villa咬下既.我地都算買得好有節制一個handcarry既gap full左就係停手既時候.
雖然我唔係待別鍾意食零食,但係左上角個pack蝦條我好鍾意食食味道似卡樂B蝦條味1 pack 100bht有12包,口痕食1包無手尾跟唔怕太大包食唔食晒.
其實我買手信比人重點放係唔阻gap位所以款式比較單一,呢款亞太嘜頭魷魚就係我至愛辣度適中, 我個人認為好味所以成為我送比人手信排行榜第一位.
我亞媽又指定要一款椰子味花生糖佢話食過好正但係佢相都無張比我參考我連個款係點都唔知!問布吉老友話無食過唔知咩黎,咁樣樣又點買呢!
那那那...講得無錯架你試下夠薑唔搵就自然會出現!我竟然係big C一條廣寬通道位側邊唔多人蒲既貨架到見到我認為只會係神話中出現 椰.子.味.花.生.糖! 就係相入面左下角個2包, 我媽講到咁好食唔即買即食都對唔住自己啦!
喂!老母呢劑果然非虛喎!粒野有濃濃椰香比起平時齋食椰子糖熱鬧好多喎因為有花生粒所以有咬口.
老友收到太座msg要求要去Central買Hello Kitty廚具,全個銀河系都知我憎鬼死呢隻無口齒貓, 其他人就買得高高興興因為除左Hello Kitty好似仲有Melody, Twins Star.....
好多花款
老友每人送左個袋比我地好明顯湖水藍色係最受歡迎.
臨別秋波我地各自企係房門影返張全景圖.
下一篇講飲講食........TO BE CONTINUED
留言
張貼留言