無聊雜碎

第一老友決定牛一當日去做人在野, 經過其他老友遊說加上深思熟慮(因為呢個將會係第一老友移民前最後一次係香港過生日)我決定 豁.. 豁出去! 原本唸住比個十派佢做神秘嘉賓點知人算不如天算臨去前一個禮拜佢竟然話可能唔camp改同其他朋友去泰國! 嘩!我屌呀!個刻我真係慌鳩晒, 左唸右唸最終都要爆響口話佢知我都會去camp, 好彩佢都有返d人性知道我 都 去後即刻改變返主意. 好嘞交待完背景資料就殺入直路! 當日9:30就要係沙田集合(早撚過返工), 食完個豐富免費早餐就一行7人搭的士殺入西貢西灣村! 我問老友大約要行幾耐佢話大約一個鐘到, 好!一粒鐘應該頂得到既! 不過大約行左大約20分鐘上山落山路之後我膝頭哥痛到落唔到樓梯, 老友話試下腳踭落地先, 留意返隻腳唔夠長係做唔到呢個動作架! 唯有坐埋一邊抖下再行, 終於行到落平地仲見到海灘我以為終點在望, 老友話坐低抖抖食碗豆腐花....... 咪以為山水豆腐花就一定好食, 我地咪領野囉又唔滑又唔凍, 食第一啖我心入面已經出左四個字"屌佢老味"! 再上征途前見到有個公廁就嗱嗱聲去小個便啦, 見慣風浪既我一行到入個廁所真係拋窒左, 你老味痞廁成個窿都係蚊滋仔, 我得2條路揀去定唔去? 急到瀨其實無得揀蚊滋摟gap就摟啦! 行過草叢同沙地後老友指住座山同我講過左呢座山就到架啦, 我望住座山見到咁斜心唸要過到呢座山其實都唔簡單但我絕對無唸過要過呢座山勁過過鬼門關! 唔記得左講當日係熱到仆街估計應該有30度, 我自覺有中暑跡象, 口渴, 流口水, 想嘔, 頭痛齊晒仲唔係有料到?! 當時第一老友同煩撚嘴老友已經去左好遠好遠...連尾燈都見唔到.....好彩老友帶左3件小鮮肉一齊去, 由於佢地要攞住好重既裝備所以陪我惰後, 有佢地陪行個心都定d!  上完一個斜落完一個斜都仲未見到終點, 隻腳就震到無辦法落樓梯. 小鮮肉堅持要幫我孭埋個背囊雖然我覺得唔好意思但我堅頂唔順唯有交左比佢, 與此同時有位世伯經過見到我隻腳震得咁利害叫我側身落樓梯同埋佢叫左一句估一百次都估唔到既口號幫我打氣"我要真普選"我屌呀世伯點知我同佢係同路人架?! 我同小鮮肉齊齊大大力叫完 "我要真普選, 689落台"之後突然好似標童上身咁有氣有力行左一大段路. 仆街終...

十幾歲既時候有班朋友約埋齊齊去紋身，由於當年淆底獸上身怕痛加上班朋友一致通過齊齊紋翠兒或者米奇老鼠上身，我聽到就更加淆上淆！大佬呀咁kawaii既點配係我身上呀！我仲唔嗱嗱淋出九千個藉口閃退呀！ 由於工作及各方面既關係又將紋身呢件事放埋左一邊，直至3年前妹妹去左彩虹橋.....咁岩又睇到Miami ink、L.A ink等等真人show節目了解多左紋身既野，加上一年前第一老友出現第一個紋身就泛起我既漣漪！ 痛唔痛已經唔係我考慮因素首先要做既係要說服老細批准我咁做，事關紋係當眼位置見客一定有障礙。起初老細都唔係咁接受但係一年入面我用誠懇感化佢同佢講其實而家紋身再唔係爛仔專利而係一門藝術，而且我要將我最愛妹妹紋係手上佢再搵唔到say no理由！ 人生行到呢個位已經做左2條好漢，既然綠燈已開就無野好怕唔好理其他人點唸嗱嗱淋去馬是必須的！係呢件事入面多謝幾位老友支持同幫助，大恩不言續個謝。 師傅先係張圖上畫出outline再印個稿上手。 以前上drawing，painting堂既時候tutor成日提住隻眼一畫得唔好成幅畫可以收皮！呢句說話我入晒血入晒骨！ 所以當見到個outline時我嚇左一跳，點解...點解妹妹由bling bling眼變左豆豉眼既？始終紋身係一世雖然我唔想做煩膠但為免出黎效果同現實有出入，我鼓起勇氣問一問shop manager，點解唔係直接問師傅？咪就係因為師傅係台灣人囉，好明顯我聽同講普通話都係弱雞之星啦！但其實師傅講解左完都未完全釋除我疑慮始終我仍然見到2粒豆豉！ 師傅知道我係第一次係紋之前已經講明如果覺得痛就要出聲叫停千祈咪郁來郁去。 唔知係我肥大肉厚定係師傅技術高超，當第一下落針時唔係太痛感覺幾過癮，去到某啲位置比較痛啲肉好似地震咁我就同自己講點痛都唔及妹妹離開個時痛再望住妹妹張相自自然然就頂得到！ 好多時我都係望住師傅紋因為睇得紋身節目多唔太怕聽到機器發出吱吱聲同埋望住針刺落肉，只係有時望得太耐本能反應連自己都震埋既時候就要停止再望。我唔痛唔叫停師傅都要抖抖大約30-40分鐘師傅都會比個break time大家。 經過2個半鐘頭終於完成，我之前擔心既野真係多舊魚！望住幅作品堅感動唔係怕尷尬個刻堅想喊，好想攬一攬師傅講多謝(師傅係cool man最終唔敢做)妹妹係師傅手下活靈活現，...

最後一日點都要陪老公食到牛肉麵既，由酒店出發大約行15分鐘黎到桃源街正宗山東牛肉麵，呢間店無論你加幾多麵或者食完再要麵都唔會加你錢，照咁睇老細都幾有慈愛之心。 以牛肉做賣點睇怕個湯底都係有牛，好彩雖然我唔食牛肉但我都鍾意加腩汁既hehe! 早餐都要食小食咁重口味，我攪唔掂喎！極其量頂幾粒花生幾片雞腎，算有義氣啦！ 紅燒半筋半肚多粉絲，老公話好好食。直至我碗麵到我覺得老公食粉絲好醒扒呀！ 豬手麵，豬手就好食啦夠入味唔太淋唔太硬，不過麵呢就唔太岩我口味因為我鍾意比較淋既麵，純蕎麥麵太有嚼頭啦！湯底夠晒濃郁係油左啲！ 食完個早餐就行去剝皮寮，途中同老公突然急A，咁岩就有間國軍歷史博物館咁梗係要借個廁所用下啦！ 解決後老公話反正入到黎想參觀下，佢梗係想啦又槍又劍又炮岩晒佢！ 見到部留聲機即係唸起我閨密。 飯桶呀點可以唔唸到我老友飯桶架！原來個桶入面有個格唔係齋桶一個！ 行左15分鐘黎到艋舺剝皮寮，都係個句我愛舊建築好多時設計靈感都係由舊建築誘發出黎，咪當佢係草其實佢係寶。 艋舺=古惑仔 咁呢到咪係古惑仔巢穴！ 原本想係呢幅牆畫前影相可惜有對新人係到影緊pre-wedding，咁無謂阻住人啦一生人可能得一次。 無論點都要去誠品打個轉唔去過總係唔知點咁，雖然最終無書岩買但係成個人自在晒！ 黃秋生，何韻詩，黃耀明硬照廣告型到震呀！最鍾意佢地3位敢愛、敢做、敢講！夠晒吉士！ 係台北成日都見到人拿住呢支野飲，最後一日點都要買支試下咩料既雖然個名都包裝衰衰累咁！ 仆佢個街咁好飲既！有汽蘋果汁甜度適中，天啊！相逢恨晚呀！點解唔比我早幾日識你呀？點算好呀？唔得我要夾2支返香港慢慢歎！ 行到餓餓地又返老巢西門町搵食，呢間小食店我又係無望到個名就衝左入去。每檯有張紙仔剔野食，望到乾米粉以為炒米粉，點知黎到係肉燥撈米，er唔好理呢碗野又飽肚又好味，肉燥完全融入米粉如果唔係個肚無虛位我點都放多碗入去！ 我就係比門口煎蘿蔔糕香味吸引入去無理由唔叫返碟呀！老公個煩撚嘴話有醬唔食，我當堂滴晒汗後悔無走醬(其實唔知有醬)食左一啖之後我索返滴汗上去因為好好食我怕你食tim呀！點知佢真係食掂唔到醬個啲喎，分薄晒！ 臨別秋波最後掃貨，前幾日sof...

好多老友都話出發去九份、十分最好早啲出發，我又未去過梗係聽從意見啦！較左鬧鐘8:00起身，點知個電話hang左機熄左鬧鐘無響到9:40自己突然扎醒，無論如何點都要開返個電話先行程資料係晒入面，眼都撐唔大拿住個電話同條線落Lobby用流利普通話(唔知點解突然識講普通話)同酒店職員講我情況，唸住叫佢借部電腦黎插一插開返個電話，職員講左一堆野之後話usb無位插！手一指向Lobby另一邊叫我自己用部Mac機，早講麻！見我披頭散髮咁就知我個人仲未回魂啦，嗱嗱聲埋位攪返著部電話之後仲趕得切上返餐廳食埋個早餐。 網上有人講最好較好時間搭台鐵去瑞芳再轉平溪線，雖然我已經check好左時間表，撇除左唔知醒外我其實一早決定左順期自然唔想為趕車而趕！ 車黎啦！未搭過台鐵心情好似小學雞去旅行咁好振奮呀！！ 睇住沿途風景炸一聲就黎到瑞芳，有理無理買張全日票先。 一路以為瑞芳係一個極鄉郊地方，咁唸咪又錯囉！呢邊可能平靜啲但瑞芳另一邊不知幾熱鬧。 仲有20分鐘先有車老公見餓餓地就地搵食。 閒日都爆車唔敢想像假期係咩環境。成功到達十分！ 老公係一個心急既人(有時急到足以令我起火)，行第一檔就比人lam住放天燈，我原計劃係行下睇下野先放，無計啦唯有去馬啦！ 除左寫底自己許既願外，我當然記得幫新加盟既閨密許願啦！天燈店員會幫我地用電話影底同拍底成個放天燈過程，當然就唔好唸佢拍攝技術會好好，out focus、爆光是必須的！ 係十分老街比溜哥雞翼香味吸引，咁岩又唔多人排隊一於排埋一份，因為雞翼未燒好所以大家都係排住等。突然有個操流行普通話男人叉隻手埋黎比錢話要5隻，估唔到個店員又真係比佢喎排我前面既人又唔出聲話佢，個時我已經起火！跟住到我既時候又有一個操流利普通話大媽(同個男人同一伙)又叉隻死人手埋黎要3隻，我當堂火都黎撚埋用純正廣東話問佢：知唔知我地排緊隊？你而家打尖！ 佢好似聽得明大仁大義咁既撚款叫店員比我先，大媽留意返第一我係排隊你打尖，第二你估你比個啲係銀紙我比個啲係白紙呀！你好死返去後面排隊！ 隻雞翼味道好惹味，雞翼內既飯就比較失色。 行過橋既一邊比較寧靜。 原本唸住行去瀑布都未曾離開老街就遇到一團香港媽媽團同佢地傾談，佢地話行去都要時間況且天氣又陰陰地最後我地都取消瀑布環節。 其實十分老街唔算太多野行，企係街尾差唔多望到街頭。 好快又黎到Next station，猴酮我最想去既地方！ 只係十...