台北食玩hea Day4
好多老友都話出發去九份、十分最好早啲出發，我又未去過梗係聽從意見啦！較左鬧鐘8:00起身，點知個電話hang左機熄左鬧鐘無響到9:40自己突然扎醒，無論如何點都要開返個電話先行程資料係晒入面，眼都撐唔大拿住個電話同條線落Lobby用流利普通話(唔知點解突然識講普通話)同酒店職員講我情況，唸住叫佢借部電腦黎插一插開返個電話，職員講左一堆野之後話usb無位插！手一指向Lobby另一邊叫我自己用部Mac機，早講麻！見我披頭散髮咁就知我個人仲未回魂啦，嗱嗱聲埋位攪返著部電話之後仲趕得切上返餐廳食埋個早餐。
網上有人講最好較好時間搭台鐵去瑞芳再轉平溪線，雖然我已經check好左時間表，撇除左唔知醒外我其實一早決定左順期自然唔想為趕車而趕！
車黎啦！未搭過台鐵心情好似小學雞去旅行咁好振奮呀！！
睇住沿途風景炸一聲就黎到瑞芳，有理無理買張全日票先。
一路以為瑞芳係一個極鄉郊地方，咁唸咪又錯囉！呢邊可能平靜啲但瑞芳另一邊不知幾熱鬧。
閒日都爆車唔敢想像假期係咩環境。成功到達十分！
老公係一個心急既人(有時急到足以令我起火)，行第一檔就比人lam住放天燈，我原計劃係行下睇下野先放，無計啦唯有去馬啦！
係十分老街比溜哥雞翼香味吸引，咁岩又唔多人排隊一於排埋一份，因為雞翼未燒好所以大家都係排住等。突然有個操流行普通話男人叉隻手埋黎比錢話要5隻，估唔到個店員又真係比佢喎排我前面既人又唔出聲話佢，個時我已經起火！跟住到我既時候又有一個操流利普通話大媽(同個男人同一伙)又叉隻死人手埋黎要3隻，我當堂火都黎撚埋用純正廣東話問佢：知唔知我地排緊隊？你而家打尖！
隻雞翼味道好惹味，雞翼內既飯就比較失色。
行過橋既一邊比較寧靜。
其實十分老街唔算太多野行，企係街尾差唔多望到街頭。
好快又黎到Next station，猴酮我最想去既地方！
只係十幾二十分鐘車程距離，猴硐風和日麗。
唔係講玩笑由落車開始貓貓已經出現係我地身邊出現，我無辦法數到見過幾多隻貓貓，不過我就數到見過幾多隻狗，係3隻！！貓貓係呢到係霸主，狗狗見到都要夾住條尾走，陰功豬！
煤礦展覽館內玻璃上一個字我極度認同：熱！
過左橋既另一邊同樣係貓貓天堂。
呢個位置有cafe同工藝品店。紅色帳篷位置有人係到畫緊畫寫意到不得了！
搭公車上九份時已經睇到開始日落，攪得我鬼死咁心急每上到山一個落客點就撲上前問司機係咪九份，最鬼衰架車無顯示牌好彩我又唔怕醜！
不禁要唱出一句：夕陽無限好，好好好...卻是近黃昏......
好啦終於睇到呢個九份舊道呢個牌不過就企滿大媽影相。
唔好講咁多處理左個空虛肚先！
魚丸粉絲好好食，如果唔係我叫停老公連湯都會飲到一滴都無。
6:00個天已經黑，原本plan左去黃金博物館、昇平戲院去唔到lu。
咦，九份都有魷魚！無得傾啦一定要買比超鍾意食魷魚老友，魷魚嬸嬸仲捉住我隻手同我講佢既魷魚好好食，尤其石班魚塊，如果唔好食返黎搵佢！曾經我老友講過魷魚好少難食所以嬸嬸我唔會黎搵你架，哈哈！
返到西門町原本老公想食牛肉麵可惜行到去已經收左皮，改變策略食鴨肉扁。
我分唔到係鴨定鵝，1/4 size睇落2個人將會食唔晒！
我敢講碗米粉加埋醋超好食！米粉一人一碗加埋鴨全部食晒因為真係好好味！
上次同八婆團黎食雪花冰既時候掛住笑掛住傾計根本就無留意店名，突然唸起想食雪花冰但無辦法記得個名，迫於無奈咪求其入一間，點知一坐底就發現咪即係上次個間囉！
叫左個芒果雪花冰，老公第一個攞起匙羹，仆街又話唔食！最終食得最多係佢幾乎想叫老細加冰！
仲有20分鐘先有車老公見餓餓地就地搵食。
除左寫底自己許既願外，我當然記得幫新加盟既閨密許願啦！天燈店員會幫我地用電話影底同拍底成個放天燈過程，當然就唔好唸佢拍攝技術會好好，out focus、爆光是必須的！
佢好似聽得明大仁大義咁既撚款叫店員比我先，大媽留意返第一我係排隊你打尖，第二你估你比個啲係銀紙我比個啲係白紙呀！你好死返去後面排隊！
原本唸住行去瀑布都未曾離開老街就遇到一團香港媽媽團同佢地傾談，佢地話行去都要時間況且天氣又陰陰地最後我地都取消瀑布環節。
貓貓唔太怕人佢地亦都比人摸除非佢出爪爪你啦！愛貓之人點可以錯過呢個地方呀！
老公要痾A我梗係係展覽館搵個有利位置歎下冷氣啦！當時我就係企係呢幅玻璃牆對面邊睇邊歎。但係睇到以前礦工辛酸事我就覺得自己好仆街企正係冷氣機下食晒啲冷氣！
係猴硐逗留左一個鐘衝鋒隊隊長又話要進擊下一站九份。
係返瑞芳車上遇到個本地人叔叔，我估計佢唔係成日出城市佢竟然問我地搭車方法，我地話返比佢知我地香港黎都唔識，跟住佢好誠懇咁同我地傾計講中國而家強大起黎唔洗再比日本人欺負。由於我普通話弱雞而且叔叔咁誠懇我無理由係一個擠迫車箱探討呢個問題，我只好簡單回答附和誠懇叔叔。
終於上到九份一落車就係瞭望亭位置梗係咩都唔好做睇左日落先啦，九份日落真係靚！
短暫既日落時間係我思考最佳時間，所以要好好把握！
以為裡面條街好短估佢唔到又幾長喎，仲四通八達。
沿途搵既時候老公已經講明佢唔食，呢次我卸佢呀！唔洗咪唔食囉我自己攪得掂！
咁好食既雪花冰又點可能抗拒，一早叫你做人咪咁口硬啦！
留言
張貼留言