鹹田灣人在野
第一老友決定牛一當日去做人在野, 經過其他老友遊說加上深思熟慮(因為呢個將會係第一老友移民前最後一次係香港過生日)我決定豁..豁出去! 原本唸住比個十派佢做神秘嘉賓點知人算不如天算臨去前一個禮拜佢竟然話可能唔camp改同其他朋友去泰國! 嘩!我屌呀!個刻我真係慌鳩晒, 左唸右唸最終都要爆響口話佢知我都會去camp, 好彩佢都有返d人性知道我都去後即刻改變返主意.
好嘞交待完背景資料就殺入直路! 當日9:30就要係沙田集合(早撚過返工), 食完個豐富免費早餐就一行7人搭的士殺入西貢西灣村! 我問老友大約要行幾耐佢話大約一個鐘到, 好!一粒鐘應該頂得到既! 不過大約行左大約20分鐘上山落山路之後我膝頭哥痛到落唔到樓梯, 老友話試下腳踭落地先, 留意返隻腳唔夠長係做唔到呢個動作架! 唯有坐埋一邊抖下再行, 終於行到落平地仲見到海灘我以為終點在望, 老友話坐低抖抖食碗豆腐花.......
咪以為山水豆腐花就一定好食, 我地咪領野囉又唔滑又唔凍, 食第一啖我心入面已經出左四個字"屌佢老味"!
再上征途前見到有個公廁就嗱嗱聲去小個便啦, 見慣風浪既我一行到入個廁所真係拋窒左, 你老味痞廁成個窿都係蚊滋仔, 我得2條路揀去定唔去? 急到瀨其實無得揀蚊滋摟gap就摟啦!
行過草叢同沙地後老友指住座山同我講過左呢座山就到架啦, 我望住座山見到咁斜心唸要過到呢座山其實都唔簡單但我絕對無唸過要過呢座山勁過過鬼門關! 唔記得左講當日係熱到仆街估計應該有30度, 我自覺有中暑跡象, 口渴, 流口水, 想嘔, 頭痛齊晒仲唔係有料到?! 當時第一老友同煩撚嘴老友已經去左好遠好遠...連尾燈都見唔到.....好彩老友帶左3件小鮮肉一齊去, 由於佢地要攞住好重既裝備所以陪我惰後, 有佢地陪行個心都定d!
上完一個斜落完一個斜都仲未見到終點, 隻腳就震到無辦法落樓梯. 小鮮肉堅持要幫我孭埋個背囊雖然我覺得唔好意思但我堅頂唔順唯有交左比佢, 與此同時有位世伯經過見到我隻腳震得咁利害叫我側身落樓梯同埋佢叫左一句估一百次都估唔到既口號幫我打氣"我要真普選"我屌呀世伯點知我同佢係同路人架?! 我同小鮮肉齊齊大大力叫完"我要真普選, 689落台"之後突然好似標童上身咁有氣有力行左一大段路.
仆街終於見到鹹田灣啦! 個海灘堅揪靚呀係呢個moment真係想喊出黎幾經辛苦終到啦!
咦咪住!我仲係高點喎, 望一望跟住落黎個彎之後原來仲有多到你數到會驚既樓梯級, 媽咪呀救命呀!可唔可以無敵風火輪咁碌落去呀!
老友起步時話行一個鐘, 行完我想中鳩佢多d呢鑊點撚到我慌! 煩撚嘴老友話我地行左一小時四十五分呀, 屌屌你!
由於我怕大海兼且個紋身一掂到海水之後又嗱又起粒粒, 我唯有坐埋一邊睇老友happy. 佢地玩完一輪之後就搵位扎營, 煩撚嘴老友扎營就最落力雖然我唔識但都做下幫工啦. 藍色個營將會係我地3個人訓既營, 咪以為個營內籠好大呀, 3個人訓左係入面之後絕對唔可以展轉反側!
第一老友好撚堅帶埋屋企煎pan同鑊鏟去煮野食. 小鮮肉二號係側邊等食等到流晒口水.
我地既晚餐一d都唔弱雞架, 蒜蓉炒椰菜, 三色椒炒牛柳粒, 雞柳炒烏冬, 仲有腐竹蛋糖水....全部由第一老友主理, 正到叫呀!
鏡頭pan去另一邊小鮮肉負責燒烤部, 雞翼, 腸仔, 大蝦, 扇貝通通由呢個部門in charge.
我第一次食由環保炭燒既野食, 真係好唔掂燒出黎既野食通通都有一朕電油味, 好撚古怪. 多得小鮮肉用心去燒可以抵銷個朕電油味.
其實呢個旅程對於我黎講最重要就係要等12:00切--蛋--糕! 我同煩撚嘴老友一早就準備好蛋糕同靚靚蠟燭, 時間一到隆隆聲去攪. 我已經好穩陣唔比煩撚嘴老友掂個蛋糕淨係要佢係吸索包裝到攞蠟燭出黎, 仆佢個街比佢掂過既野堅係寸草不生, 佢竟然扯爛左最大個個蠟燭牌...比佢吹到啤鳩聲!
第一老友見到蛋糕時話我地咁老土架! 係呀我就係鍾意咁老土, 就算係都係最後一次比我過啦! Hapi Birthday to you la...吹野啦!
突然之間小鮮肉2號鳩叫話見到流星, 我明明同佢望同一方向點解我睇唔到! 正想屌鳩佢之際我見到超大粒尾巴勁長綠光火流星, 呢鑊唔到我唔鳩叫! 跟住落黎同小鮮肉2號一齊睇到幾粒流星飛過, 第一老友同煩撚嘴老友見我地叫得咁過癮即刻專心望住個天, 最興奮係我們仨一齊睇到同一粒流星飛過, 成晚鳩叫聲此起彼落. 事後調查返原來當晚係獅子座流星雨, 對上一次睇獅子座流星雨已經係2001年lu.
小鮮肉3號影既, 人在野其中最大得著就係睇到漫天星星.
係陌生環境我一向唔係訓得咁爽, 明明好眼訓又訓得唔好因為我好怕鼻鼾聲嘈醒2位老友. 太陽一出熱到喊無辨法再焗係個營入面, 3條友起身梳洗整下早餐食. 第一老友又為我地整熱辣辣既pancake.
係咁既環境下又pancake又有糖漿仲邊有得輸呀! 食過野後老友們又去玩水, 我就幫手切下野準備下午餐.
即係咁, 點樣黎就點樣走唸到呢點未行先腳震,好彩老友皇恩浩蕩大發慈悲比我地搭快艇走唔洗再做步兵, 個個moment堅想大叫謝主隆恩!
執拾行李既時候沙灘出現好多蟹仔, 好過癮呀!
坐上呢架快艇就覺得$150一位抵到叫, 又夠快又夠拋! 總覺得船家見我同煩撚嘴老友叫得咁happy專登開快d. 去到地質公園範圍就開始無咁快唔知係咪想比我地睇下沿途風景, 係呢個時候煩撚嘴老友就導遊上身介紹六角柱石比我識, 用呢個角度咁近距離睇又真係幾難得既.
是咁的, 雖然人在野唔係我杯茶但係為左你我願意去嘗試, 因為我同你共處共玩既時間淨返唔多而且仲開始倒數.....我唔想有野會令我後悔, 時間真係唔等人架好撚衰架!
留言
張貼留言