童年回憶之波地

今日唔知chok起邊條筋又有衝動行去細時住既地方, 經過lift口時我有一秒考慮過跟人入去上樓睇下不過唸唸下得一個人又有啲淆底打消左呢個唸頭, 都係下次拖齊馬上去穩陣.
樓下呢個空地位置細個既時候係兵家必爭之地, 每逢假期由其是暑假呢個空地必定有好多細路仔係到打羽毛球, 情況多到要等場留意返呢個場地係免費咁又點等呢? 好簡單靠自律見到人等既話咪最多打多半粒鐘就會比下家打. 

我媽咪就最放心比我同老友係到打羽毛球因為佢可以係樓上mon住我, 必要時要我返屋企大叫一聲就得! 而我亦好樂於係空地玩因為除左可以玩之餘亦可以把到暗戀既人路經此地 hehehehe..
而家既小朋友一人一件電子產品已經好少見到佢都玩集體遊戲, 我能夠同兒時玩伴保持住友情就正正因為細時一齊玩過大家有經歷! 
經過時代既變遷空地已經回覆真正面貌"空地一塊"