8月之星

生日月份飯局特別多為免肚滿腸肥身驅加重負擔最好就將次數濃縮，感激各好友既飯局！

黎到最後一激就係同小學雞既8月之星飯局，老友推介既位於元朗雞地既敘亨軒，雖然地點唔太就腳但係呢間野真係掂！由於我地夠最低消費$2000所以有房比我地嘈嘈閉。呢餐飯真係好滿足美中不足既地方係個醉雞窩越食越苦，苦既程度令到我唔想食打邊爐既野，好彩既係仲有個胡椒豬肚窩補位。

我本身唔太愛龍蝦刺身，不過呢盤波士頓龍蝦刺身擺盤精美顏色豐富攪到我忍唔住手！刺身食完之後再攞去芝士龍蝦可惜芝士味欠奉。

花竹蝦刺身堅揪無得頂，鮮甜到不得了！蝦頭蝦尾再攞去炸，炸到脆卜卜咁岩我食個個頭充滿蝦膏堅想大叫"好好味呀"

我一向唔食魚生所以呢條不知名既魚生既時候好唔好食就唔知，不過我就淥左幾片食熟食都唔錯。

老友淥左條聖子王分左半條比我，老友掌握個時間好好令到聖子王又爽又甜。

嗱我就唔食牛肉既所以唔知好唔好食，不過我相信都唔差得去邊，因為除左上檯個一下見過呢碟之外，好快連隻碟都唔見左。

全景圖

老友好有心飛澳洲時帶左支澳洲版Moët 返黎，呢支比起綠色版更岩我口味！

今年生日我只係切左2次蛋糕，2次都係同一個老友買，2次佢都係為左買蛋糕而厄我話有野攪要我自己搭車去目的地，當我見到個蛋糕時我真係有衝動撲過去擁吻佢，不過我知佢最怕係咁，所以在心中啦！