無聊雜碎

係Phuket Town(舊城區)既Natural食到飽飽漫遊舊城區係唔錯既項目.一到夜既成個 舊城區好多建築物都係燈光效果, 舊建築物係燈光襯托下別有一番風味. 睇周圍既建築物就話你知當年呢個地方係唔簡單, 布吉政府成功活化左舊城區! 老遠就比呢揀全白色文藝復興風格既建築物吸引, 廊式騎樓, 立面有浮雕裝飾,圓拱形窗,羅馬柱....唔知呢楝建築物係咪叫開泰銀行? 以前既建築物多數有騎樓底因為以人為本, 怕行過既人日曬雨淋. 而家既發展商都唔知良心為何物一於要賺到盡啋你都生芒果! 黃+白既建築物其實佢係一間銀行. 舊城區除左外國風格建築仲有中式建築,曾經呢到係華人集中地.呢間屋既中式地磚已經絕跡江湖有錢都買到. 間屋外牆甩皮甩骨又點會估到佢有幅咁有味道牆畫. 呢幅同上一幅係畫左係同一牆身佢地之間隔左個窗. "地球毀滅者"為我地帶左唔同款式動物樣mask玩返個動物園之夜! 佢自己就懶鳩可愛第一時間話揀綿羊,點知出到成日猛鬼出籠既紙扎公仔咁既撚款, 笑到我地碌晒地....hahahahaaa....到而家每次唸起 "地球毀滅者"自我 毀滅既樣都覺得好好笑! 又係玩戶外活動日呢個local tour就唔係布吉老友安排既, 我地去到布吉第二日就係芭東求其搵一間舖頭攪, 佢地既leaflet攀牙激流+騎大象+ATV+飛索連包車午餐  普遍要二千幾銖, 我地一行8人最終每人1,100 bht 平過原價一半以上所以一定要講價!! 一大朝早就要由chalong villa揸車去芭東指定地方上旅遊巴, 架旅遊巴仲要係附近酒店接其他客人上車, 去攀牙車程需時2個半鐘. 第一個點係馬騮山, 呢個既馬騮都比人餵到熟晒. 我地無買到野餵馬騮因為落住雨隻手好唔得閒,不過有班外國就比左d野食我地餵咁我就有機會近距離接觸佢地. 唔知咩料老友一路坐大象一路放屁!!! 極速食完個lunch成班人戴晒安全帽著住救生衣坐車去河邊玩激流, 雖然落雨但係河水未算好激,可能比我地初級組玩既激極有個譜. 玩激流係平靜位2隻艇互相潑下水玩下咁,但我地隻艇船夫"布吉花褲G-Dragon"比第二隻艇 潑完嬲嬲豬黑晒面, 攪到無人同我地玩變左孤...

黎到布吉又點可以齋食唔玩架! 6日5夜基本上係唔夠玩因為都有好多野未玩過, 不過唔怕只要布吉老友一日駐紮係布吉我地都會keep住去既! 介紹返: 我個布吉老友其實係專業潛水教練, 有個同聲同氣講廣東話(普通話都得)教潛水領略都會好d起碼唔會有誤會ma!另外,佢仲會幫人租車租船去到布吉已經可以直接玩幾咁疏乎! Facebook Page 遊走布吉 https://www.facebook.com/playinphuket/ 揀villa識揀一定揀有泳池!凸字形泳池好鬼配合我平時 凸 凸手勢hehehe.... 等緊大少們起身我地影下相打發下時間, 呢個位置係villa入大廳門口位,紅色加上銅色圓形裝飾完全係中式style. 飲飽食醉就搵到地方揼爆骨!雖然我唔係好鍾意 揼 骨每一次我都叫到拆天猶記得同班八婆姐妹係台北 揼 骨我同另一姐妹叫到骨姐都慌失 失. 不過一班人行動唔鍾意都要頂硬上,最多咪只做腳底按摩. 布吉按摩店有d好似舊式髮廊咁有d就有裝修但係價錢幾乎一樣, 咁梗係揀有裝修既觀感同實際都舒服d啦! 原本我地係揀呢間按摩店可惜佢話我地太多人無咁多骨姐招呼我地.  行前幾步就見到呢間Kim's massage & spa 最重要有足夠骨姐. 我同3個老友揀腳底按摩其他人就玩全身, 腳底按摩一個鐘連埋貼士都只係港幣$100. 臨出發前拉叔千叮萬囑我點唔鍾意都好一定要試泰式按摩仲話送我2個鐘! 我只可以講試過泰式按摩真係返唔到轉頭舒服到不得了!而且幫我按摩骨姐雖然鍾意兩頭望但絕對唔係hea做, 呢d咁辛苦既工作又做得好身為客人比貼士比得舒服! 泰國又多一樣野令我愛上啦! 連個天都鍾意我地呀yeah!yeah!yeah! 日日落雨一到出海日就放晴藍天白雲 I like it!  呢隻船我地係自己包一隻玩連埋船家煮午餐,如無記錯係19,000bht 一班人有私人空間玩爽好多! 今次潛水點同上次一樣係皇帝島, 上次我同水面游既魚影左好多沙龍所以今次就算好多魚都唔影因為我打算落去同佢玩遊戲...... 我同2個老友就無玩潛水其他人就跟布吉老友落晒去玩, 有潛水牌既老友可以自己游, 體驗潛水既就要由布吉老友帶住啦! 海底既世界真係好靚!唔知幾時我...

由於呢日去左攀牙玩飛越叢林所以lunch食團餐不影也擺!更何況得15分鐘時間食連食我都唔夠時間. Day 5 已經唔記得食左幾多份crepe,不過一棚人食一份每人食2,3舊咁都唔算過份既. 最後一擊海鮮餐黎返位於芭東Banzaan市場, 樓下係街市上面係food court 加工海鮮, 夜晚街市出面就係夜市.布吉老友話係街市食抵過係出面食,呢餐海鮮連埋加工費都係千幾蚊港幣. 留意相入面插住一隻隻黃色大海螺下面會有介紹.... 我地鐘意食既海鮮來來去去都係個幾款所以同第一餐差唔多. 係2樓food court就可以望到樓下街市情況. 原本打算揀返上次個個檔口加工海鮮可惜已經執左,揀檔口慘過揀老公揀錯老公最多暗抌揀錯檔口會比人圍屌!最後大家決定揀"08泰國美食海鮮"有野就齊齊領!係呢到食野檔口煮好之後會放係出餐位佢會向你揮手或者鳩叫示意你過去攞,所以揀檯坐要坐得近檔口. 碟扇貝上面既野會唔會熱鬧得濟呀,堆汁唔係出眾食完舊扇貝堆汁仲係返到. 炒菜伴黑椒汁奇奇怪怪既配搭但又出奇地好食喎! 再黎九層塔炒沙白. 又係呢個汁!蝦係吸收唔到呢個汁,不過又好彩喎可以食到蝦既鮮味. 咩料先?又薑又九層塔咁白灼會唔會好d? 瀨尿蝦成隻前臂咁大隻!!!雖然蒜蓉同蝦炸過左火少少但味道總算對版! 我敢講菠蘿炒飯係最最最最好味爭d連個 菠蘿都食埋! 魷魚煮得有d過火. 隻大海螺係老友犧牲色相比街市泰姐抽水抽到底得返黎,可惜佢係白白 犧牲 呢碟炒螺片un到仆街電鋸都鋸唔入....生食可能仲精彩. 檸檬蒸魚又登場味道確係掂! 上次黎布吉食過The Pizza Company既芝心腸pizza好食到不得了,老友想重拾情懷最後一晚pizza出場啦! 芝心腸pizza即係pizza條包邊係腸仔食落口感好豐富. 最後一晚大家都想食最懷念既野,街邊檔既粉又平又好食! 布吉老友bartender 都撈埋whisky+梳打+紅牛=好飲到醉左都唔覺! 酒又點可能就咁飲梗係 要 邊玩 邊飲先過癮. Day 6 都係個句歡樂時光過得特別快又係時候講byebye!由villa去機場會途...