母語

公司有新同事返工我同亞頭訂下生死戰邊個忍唔住係新同事面前爆粗就要請食飯,一般平常人覺得唔爆粗有幾咁難呀?唔好意思粗口係我地母語除非唔講野否則講母語是必須的!

整個朝早我同亞頭盡量封口又或者母語在口邊時大大力吞口水食返落肚!

直至我同亞頭好認真傾緊圖時..............

"篤"一聲事情就發生

亞頭: 物L野黎架? 點9解會咁架?未L試過咁喎......xyz123balbalbal 下刪三千萬字母語

我: 哈哈哈.....我唔知.....哈哈哈(附帶淚水).....哈哈...我知....係你戴緊既眼鏡右臂....哈..哈哈

就係一秒間亞頭戴係面上既眼鏡支右臂"篤"一聲趺落檯面,而個刻佢似死火山爆發一樣將所有母語有咁爆得咁爆亦無理會新同事存在!

多謝亞頭L9!