新同事

前文提到有新同事返工本應好開心一來公司熱鬧啲二來又可以分擔工作量，但係我唔知同老細係咪有十怨九仇點解會咁整蠱我！

事先聲明我相信我新同事係一位好人，不過出黎做野大前提係要做到野。

老細吩咐新同事要做既工作後就拋下一句：有野唔明問Wing! 

Okok 唔明問我絕對無問題雖然我地唔同工種，只要我識答一定會答！不過我萬萬估唔到問題會咁多元化=_=''

先黎頭盤南瓜scanner湯:

老細已經將最簡單工作叫新同事做就係將所有圖同文件scan入電腦，佢同老細講唔識畫！畫？講左一大輪原來佢竟然以為老細叫佢將圖重畫一次！天啊！邊個位出現誤會呀！

跟手新同事話佢未用過scanner我要由開機，揀dpi,jpg,save路徑續一做三次比佢睇佢先開始有眉目，總算完成呢項工作！

主菜 安格斯excel拼紅酒焗速成:

老細要新同事將資料入電腦，我又點估到呢一part先係災難。每隔一陣新同事就會問我某個字速成點打，我無L端端做左人肉輸入法字典！最大劑出現係excel,先係問我點樣清除highlight左既字，再黎係話個file改唔到名，再再黎佢唔知自己click錯咩制成條工作bar無左....等等 我幫佢一一解決既時候我覺得自己似教緊工聯會再培訓excel班！

甜品 梳乎里printer：

當新同事要將資料filing佢想print返個file名貼係box file,問題來了佢竟然話唔識整暗示想我幫佢整。我一口拒絕繼而叫佢自己試下整，佢帶住幾分歉意同我講唔識用printer,我真心滴汗無奈要教佢如何成功由printer print出文件！

我相信事情係未完....