曱甴

同老友食泰菜吹水突然落起大雨，理應有帳篷遮住就無有怕，仆佢個街比我把到對面檯有隻超巨型曱甴邊飛邊散步我當場嚇到面青，奈何佢又走左去隱藏位想叫老友造低佢都唔得而且老友不停叫我唔好理佢，唯有扮振定繼續食飯。

突然老友向住我方向淡淡然講：嘩！真係出返黎真係識飛喎！

我屌吖即時腎上線標升到一百！我唔敢擰轉頭睇曱甴飛既方向就離坐邊叫邊走，係呢個時候老友一手拉住我叫我唔洗怕有佢係到叫我坐返低，當然我采佢都生芒果極速走去老遠門口位置，附近幾張檯既女仔同樣嚇到雞飛狗走，我地監視住隻曱甴路向本以為佢一停低就會有人造低佢，咁唸就錯撚晒！係無人伸出同情之腳由其是我老友佢竟然係到擺pose chok樣都唔踩死佢！攪多兩攪連隻野都唔見埋，咁無計啦唯有谷住道氣返埋位質問我老友點解咁無義氣，佢竟然話唔想踩死之後整污糟鞋底，我當場頭頂冒煙問佢鞋底係咪好矜貴？係咪返屋企要lam乾淨鞋底？

講返隻曱甴下場，佢比在場一位猛男攪低左，佢仲大聲宣布曱甴已死，大家可以安樂食飯！

泰味村炒蜆肉真心好食，蒜蓉蜆肉放上多士，多士吸晒所有味正到叫！唔記得移開粒的影蜆肉！